我發覺自從有facebook之後，d人少左寫blog，可能因為fb比較快，你一言，我即時覆一語，又可以放相，好多元化的溝通，不過．總覺得因此而少了一份感情，這份「情」是什麼?不知道，可以說是老人家所說「寫信件比寫電郵有感情得多」，我這位「老人家」也覺得看blog比看fb有感情得多，唔知呢?????

又到聖誕了，每年的聖誕都很忙教會的活動，看人受洗很感動，也很興奮，今年聖誕我決定受洗了，點解今年?我只能說是「受洗有時」吧。經常用腦去分析世界上每事每物，又會靜靜的一個人在想呀想，究竟呢一刻、呢件事、果個人、果個群體、自己、佢．佢．佢、呢個果個發生緊咩事，點解決呀咁，總之就係想無聊野。呢排想比個腦靜一靜，但係公司d事唔可以唔想，教會事奉又唔可以唔做，自己又原來係唔可以停低的，唉，點解呢?尋日放了半天假，本想回家睡一睡，點知想起未回poly取証書，返了poly之後，又想去染髮，點知去到間鋪沒有了，之後竟漫無目的咁向前行，行行下，去左「天然」染髮，唉，其實染黎仲乜呢，都唔知?總之就染左，之後又想想怕比老闆罵，唉，做緊乜?

之後夜晚去左jenny屋企傾計，又聽左sammi隻福音cd，我發現．呢排個人空空虛虛咁，原來係因為自己太忙，太著重去想一d自己的問題，而忘了上帝，忘了禱告，上帝，我回來了!!!!!!!!!!!!!!!!!!!!

人生方向，我一直都有，不過愈來愈模糊了，而且呢一刻，我是非常非常非常乏力，亦非常非常非常失望，在別人的面前，我可以裝作沒有什麼事，但我知道自己並不真實................總在想：我為什麼要理會別人的事，一些我絕對可以不理解的東西，為什麼需要我去理解，而且不理解也不是錯吧，支持可以有許多種，而偏偏需要我選擇這種形式的支持，我自問做不到，也沒有能力。在人與人的互動中，可以存在無限的可能，無限的形式，可是我只可以擁有一種形式，一種關係，一個結果。如果要我堅持下去，疲乏的我，寧可選擇放棄。

(又是一篇只有我自己看得懂的日誌)....................................